Lungkawlh kum 150-na leh Haw runpui hmanpui

Serchhip District-a Lungkawlh khua in an khaw kum 150 tlin lawmna leh Haw runpui an buatsaih chu nimin khan Serchhip Addl. DC Lalmuansanga Ralte chuan a hmanpui.
Lungkawlh khua hian nimin leh niminpiah khan an khaw kum 150 tlin lawmna leh Haw runpui hi hmangin nimin-a he hun hmanpuitu District Bawrhsap mawhphurhna la mektu Addl. DC Lalmuansanga Ralte chuan Lungkawlh khua in kum 150 a tling chu a lawmawm a tih thu sawiin, khawtlang ngelnghet leh inlungrual an nihzia chu he kum rei tak hian a tilangfiah hle a ni, a ti a. Lungkawlh khawtlang chu hma lam zel turah duhsakna hlanin, an pi leh pu, an nu leh paten thukhat vuain inrem takin khawtlang an lo kalpui tawh zar an zo mek tih inhriaa, an thlahtute kawng lo zawh tawh inlungrualna tha nei zui zel turin a chah bawk. Addl. DC chuan thalaite tan Social Media hman thiam a pawimawh thu te, Sex education chungchang te, zu leh ruihhlo chungchang bakah zirna lama tanlak a tulzia te pawh he hunah hian a sawi bawk.


He hunah hian PHE Department-a SE Er. Lalthanzuali chuan bawlhhlawh paih dan fimkhur a tulna leh faina leh tui humhalh leh vawn thianghlim kawnga tanlak a tul dan te a sawi bawk a ni.

Comments

Popular News (Last 30 Days)

LPG man bithliah thar