Tuichang Lei thar enfiah hna thawh a ni dawn

Keitum leh Khawlailung inkara Tuichang Lei dawh thar chu Load Test neih a nih dawn avangin April 3 atanga ni 10 chhung khian khar leh a ni dawn.
Keitum leh Khawlailung inkara Tuichang Lei hi mipuite hman theih tura dawh zawh a nih lawk loh hnuah kumin February thla atang khan mipuite zawh theih tura hawn a lo ni tawh a, thla hnih zet hman a nih hnuah Load Test hi neih a ni dawn a, hei vang hian April 3, 2023 atanga April 10, 2023 chhung hian lirthei eng chi mah tlan theih a ni dawn lo a, hemi hun chhung hian Lei hlui zawk chu zawh theih a ni thung ang. Tuichang Lei hlui zawk hi a hlui deuh tawh avangin lirthei tan zawh theih chin siam a ni a, Metric Ton 10 aia rit lo phur tan tlan tlang theih a ni dawn a ni.

Ruahman dan chuan April 3 khian he Lei load Test neihna tur hian Platform siam a ni anga, a tuk April 4-ah Load Test neihna tur hlangin April 5 atanga 7 chhungin enfiah a ni anga, April 8-ah a test neihna hlangthla lehin April 9-ah Platform thiah leh a ni anga, April 10-ah Load test result hi hriat theih a ni ang.

Comments

Popular News (Last 30 Days)

LPG man bithliah thar