Kan ram leh hnam hmelma lian ber pahnih chu Corruption leh Ruihhlo a ni - Lalduhoma

Serchhip bialtu MLA Lalduhoma chuan nimin khan Thenzawl-a Victory English School ten Annual Closing Day leh lawmman semna ni an buatsaih chu hmanpuiin, “Kan ram leh hnam hmelma lian ber pahnih chu Corruption leh Ruihhlo a ni,” a ti a. Heng te hi do turin zirna In atanga hmalak a tul thu a sawi bawk.

Thenzawl-a Victory English School Ground-a he hun hmanna ah hian Serchhip bialtu MLA Lalduhoma chuan kan ram leh hnam hmelma lian ber pahnih chu Corruption leh Ruihhlo a nih thu hi sawiin, Zirlai ten naupang te an nih lai atanga Corruption leh ruihhlo chu School atanga an do pawimawh a tih thu a sawi a, “Hlemhletna leh ruihhlo vangin kan ram leh hnam a chhe mek a, zirna In atangin do a ngai,” tiin Zirtirtu ten helam hawi an zirtir uar pawimawh tih thu a sawi a, hlemhletna leh ruihhlo chu do pui-ah a sawm bawk.


Serchhip bialtu MLA chuan Mizoram-ah sawrkar School-a Zirtirtu indaihlo a tamin zirna tha tawk lo chu siamthat a tul thu te, Zirtirtu hlawh tlem zawk ten Private-a English Medium School tha tak an kalpui chu lawmawm a tih thu te a sawi a, India ram-a New Education Policy chu kan hnam leh kan khawtlang mil-a herrem a, naupan lai atanga Zonunmawi inzirtir an ngaihpawimawh thu te a sawi bawk a. Sawrkar School tha zawka siam chunga Kohhran leh mimal enkawl School te State Budget atanga Financial Support pe-a sum hmanga tanpui a, an Management tidanglam nasa lova, mirethei zawkte School thaa an kal theih nan hmalak an ngaihpawimawh thu leh Sawrkar leh Kohhran leh mimal enkawl School te kalrual thiam pawimawh a tih thu te a sawi bawk.

Nimin-a he hun hmanna ah hian Victory English School-a Principal Sailianpuia Sailo pawhin thu a sawi bakah Award dawngtute a puang a, Bialtu MLA hian Award hi a sem a. He School in kumin atanga High School (Class-IX) zirna an kalpui tan tur chu Bialtu MLA hian a hawng nghal bawk.

Serchhip Bialtu MLA Lalduhoma hian nimin zing khan Thenzawl-a Puantah Training na hmun tlawhin an dinhmun te a enpui a, hemi hma niminpiah khan a bial chhung Buangpui khuaa MLA Fund Rs. 1,50,000/- hmanga Buangpui Branch MZP ten Zirlaite tana Students Library an sak chu hawng bawk a ni.

Comments

Popular News (Last 30 Days)

Vawiin-ah HSLC result

Vawiin-ah HSSLC Exam result