FLAM General Body Meeting neih a ni

Zonuna Kawlni /

Former Legislators Association of Mizoram (FLAM) chuan nimin khan Assembly Conference Hall, Assembly House Annexe-ah General Body Meeting neiin Health Minister Dr. R. Lalthangliana chuan a hmanpui.

‘Ramngaw, Nungcha leh Tuihna humhalh’ tih thupui hmanga FLAM General Body Meeting-ah hian Health Minister chuan FLAM in Party bil sawi lova luangrual taka an thawkho thin chu lawmawm a tih thu a sawi a. Eng anga ram ropui pawh ni se, tuihna tha an neih loh chuan ram nuam a ni thei lo tih sawiin, tuihna tha kan neih theihna tura kan tan tlan a ngai tih a sawi bawk.

Nimin-a FLAM General Body Meeting hi an President Liansuama chuan kaihruaiin an member boralta te sunna hun hman a ni a, ‘Tuihna humhalh’ tih thupui chu zirho a ni bawk.

FLAM hi 1994-a din niin Mizoram Assembly kum 50 chhung hian MLA 232 an awm tawh a, Member 95 ten chatuan ram pan an awm tawh bawk a ni.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »