Deputy CM in MGDA Conference a hmanpui

Mizoram Government Doctors’ Association (MGDA) chuan nimin khan Annual General Conference vawi 37-na Aijal Club-ah hmangin Deputy Chief Minister Tawnluia chuan a hmanpui a ni.

RB Mc Cabe Hall, Aijal Club-a he hun hmanna ah hian Deputy Chief Minister chuan Doctor hna chu hna zahawm leh rawngbawlna ropui a ni tih sawiin, tihdam hna an ko-ah a tlak avangin an hnathawh leh mawhphurhna chu hna dang te aia a danglam thu a sawi a, midangte rawngbawl tura kawng zawh zel turin Doctor-te chu a sawm bawk. Mizoram Health Service Rules siamthat (restructure) kawngah hma an lo lak tawh thinna te tarlangin Deputy Chief Minister chuan, harsatna awm mek chingfel turin DP&AR in hma an lak mek thu leh Cabinet Meeting-a putluh thuai anih a beisei thu a sawi bawk.

Hei bakah hian Deputy Chief Minister chuan Smart City Project hnuaiah Damdawi In thli leh bawlhhlawhte (Bio-Medical Waste) mumal zawka senghawi kawngah sawrkarin theihtawp chhuahin, hemi atan hian Aizawl Solid Waste Management Center, Tuirial-ah bultan chhoh mek a nih thu a sawi a. Hemi kawngah hian MGDA member-te chu an ngaihtuahna te sengkhawm a, sawrkar hmalaknate puibawm turin a ngen nghal bawk a. Mipui ten tangkai zawka Mizoram Health Care Scheme an hman a duhsak thu sawiin, a thei apiang he Scheme-a inziaklut turin a sawm a, Asian Development Bank (ADB) Loan hmanga changtlung zawka Health Care Scheme kalpui a nih tur thu a tarlang bawk.

MGDA Annual General Conference hi MGDA Vice President Dr. C. Lalhrekima chuan kaihhruaiin, kum 2019-2023 chhunga an Member pension a chhuak ta mi 24-te thlahna hun leh member boral mi 7-te sunna hun an hmang bawk.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man