Tunkar-ah Kawrtethawveng RD Block hawng dawn

Mizoram sawrkar in Rural Development (RD) Block siam tur a lo puan tawh zinga mi Kawrtethawveng RD Block chu tunkar Zirtawpni khian hawn a ni dawn.

    Mizoram sawrkar chuan nikum lam khan Mizoram-ah RD Block thar pahnih siam tur hi a lo puang tawh a, RD Block thar tur zinga pakhat Kawrtethawveng RD Block Pisa tur chu tunkar Zirtawpni, January 20, 2023 khian hawn a ni dawn a, Tlabung RD Block pawh tun Sorkar kum kallai chhung ngeia hawn hman tum a ni tih RD Minister Lalruatkima chuan a sawi a ni. Tlabunga RD Block Pisa hawnna tur atana thil tulte chu tihfel thawkhat ni tawh mah se, posting chungchangah ngaihchan ngai a la awm hlek tih RD Department changtu Minister Lalruatkima chuan a sawi a. Hetihlai hian tun Sawrkar kum kallai, March thlaa tawp tur ralhma ngeia Tlabung RD Block chu hawn hman a nih tur thu leh Session hma nge, zawh hnu-a hawn tur tih erawh sawi theih a la nih loh thu a sawi bawk.

Comments

Popular posts from this blog