Health Minister in AHF hmun pawimawh a tlawh

Health Minister Dr. R. Lalthangliana chuan Zirtawpni khan AHF International & Corporate Office leh AHF Office te tlawhin an hotu pawimawh te Meeting a neihpui.

    Health Minister Dr. R. Lalthangliana hian AIDS Healthcare Foundation (AHF) International Headquarters hotute sawmna in heng hmun hi a tlawh a, AHF hotulu te nen an inkawmna ah hian AHF India Cares leh Mizoram sawrkarin thawhhona thuthlung nikum lama an lo ziah tawh chu bawhzuia chak lehzuala hmalak chungchang te, Mizoram tan Technical Support leh hmanraw mamawh hrang hrangte ngaihtuahsak rang tur leh khawvel in HIV/AIDS a buaipui mek lai hian Mizoram bik a kan harsatna te thuk zawk leh nasa lehzuala min luhchilhpui a, strategy leh approach awmze nei zawka kalpui a tul ziate a sawi a. Mizoram sawrkar aiawh (ZMC), AHF leh an thawhpui Palladium Consulting Pvt. Ltd ten thawhhona Letter of Agreement an ziahna a AIDS Epidemic chu kum 2030 ralhmaa tirem ngei tura ngawrh taka hmalak ni se an lo tih chu chak taka kalpui tul a tih thu pawh thlenin AHF te nen a khat tawka intlawhtawnna leh hmalak dan thlirhoa thutkhawm neih fo tul a tih thu te a thlen bawk a ni.