Zanin atangin SAY Congress neih a ni dawn

Salvation Army thalaite intawhkhawmna lian, India Eastern Territory Salvation Army Youth (SAY) Congress vawi 26-na chu zanin atang hian Serchhip-ah neih a ni dawn.
India Eastern Territory SAY Congress hi Serchhip P&E Veng Leisekawt Mual-a Pandal sak-ah zanin hian neih tan tur niin he Congress a tel tur Palai te chuan Vawiin hian Serchhip an rawn pankhawm dawn a, mikhual te lo dawnsawnna atan hian New Serchhip College Peng leh Ser-chhip Dinthar Veng-a CMS peng-ah te Advance Counter siamin heng te nen hian Counter 10 siam a ni a, heng te hi Chawngbuangi Memorial School Peng (Dinthar Veng), Hmar Veng YMA Hall, Chanmari Volleyball Court, Serchhip Bazar, Pi Chhandami kawt (AOC Veng), DTO Office kawt (IOC Veng), DRDA Office kawt leh Mini Park (P&E Veng), New Serchhip YMA Hall leh College peng te an ni a. Palai kal tura inziaklut sa hi mi 4000 dawn an awm a ni.


He kawmpui neihna atan hian Pandal a dung ft. 156 leh a vang ft. 114-a zau in Lei-sekawt Mual-ah sak niin tunkar Thawhlehni zan khan Pandal hlanna hi neih a lo ni tawh a, he Pandal hi Oct. 11, 2022 atang khan sak niin hnatlang tha 1600 chuang sen a ni a, nimin lam khan Pandal a thutna tur la rem belh niin Sound leh Light te ennawn leh niin inbuatsaihna pawh an peihfel tawh thu Serchhip-a SAY hruaitute chuan an sawi a ni.

SAY Congress-ah hian zanin dar 7:00 hian Pandal-ah Welcome Meeting neih a ni dawn a, he hunah hian Congress hawnna hun hmangin inlawmna hun hman a ni anga, zaithiam hrang hrangte an zai dawn bawk a ni.

Comments

Popular posts from this blog

Tukverh-a tlasual boral