Police hna thawk tha te DGP Commendation Disc hlan

Mizoram Police hna thawk tha chawimawina, DGP Commendation Disc leh Certificate 2021 hlanna hun chu nimin khan GS Arya Mess, PHQ, Aizawl-ah neih a ni.

Commendation Disc hlanna ah hian Mizoram DGP chuan Devesh Chandra Srivastva he hun hi Police mi leh sa, Mizoram hmun hrang hranga rim taka hna thawkte PHQ-in a hriatpui a, a ngaihlu a ni tih lantirna a nih thu a sawi a. DGP Commendation Disc hi Police hna thawk tha, Rank hniam leh sang, Junior leh Senior zawng zawng thliar lova pek thin a nih thu leh Service chhunga vawi khat chauh dawn theih a nih thu a sawi a. Hna thawk thate chu hriat sak zel a pawimawh thu sawiin, Police ten mipui rawng an bawlnaah theihtawp chhuah theuh tur leh Senior Officer-te pawhin an naute hnathawh that tarlan sak thiam thin turin a chah bawk a, hna tha tak leh tlin taka thawka an Uniform pawh chhuang taka haa tizahawm thiam turin a fuih bawk a ni.

Nimin-a he hun hmanna ah hian DGP Commendation Disc leh Certificate 2022 hi hna thawk tha mi 39 hnenah Mizoram DGP Devesh Chandra Srivastva chuan a hlan a, Aizawl-a awm Senior Police Officer, SP chin chunglam ten hun an hmanpui a ni.

Comments

Popular posts from this blog

Tukverh-a tlasual boral