Bialtu MLA hovin Serchhip-ah ‘Inter-Branch YMA Football Tournament 2022’ kharna neih a ni

Serchhip Sub-Hqrs. YMA buatsaih ‘Inter-Branch YMA Football Tournament 2022’ chu nimin khan khelh zawh a ni a, he Tournament kharna inkhawm chu Serchhip bialtu MLA Lalduhoma chuan khuallian niin a hmanpui a ni.

Nimin-a he Tournament kharna Inkhawm Serchhip Sports Complex-a neih ah bialtu MLA Lalduhoma chuan Serchhip in bialtu MLA hmasa leh Chief Minister hlui Lal Thanhawla hmalakna a Sports Complex tha tak a neih chu lawmawm a tih thu sawiin, chutihrual chuan ala changtlung tawk lovin chhunzawm ngai ala tam hle tih a sawi a, heng te hi Pathian zarah zawi zawia kan la chhunzawm zel a beisei thu a sawi. Bialtu MLA chuan Covid avangin hun rei tak infiamna lamah hmalakna awm thei lo mah se hri leng in ziaawm lam a pan hnuah Serchhip Bial leh a District in kawng hrang hrangah hma a sawn nasa hle tih a sawi a, infiamna avang hian Serchhip District atangin Sipai-ah mi 70 vel zet lut an awm tawh thu pawh sawiin, Academy hrang hranga inzir mek an awm thu a sawi bawk.

Bialtu MLA chuan he Tournament in a tum ber chu ruihhlo do a ni tih sawiin, ruihhlo avang hian kan ram leh hnam a hmel a hem nasa in min tibuai nasa em em a, hetiang hi ni lo sela chuan ram nuam leh changkang tak kan ni thei ang tih sawiin, ruihhlo hian eizawnna thlenga min tih thuanawp thu a sawi. He Tournament buatsaih a nih avanga thalai tam tak ten Branch aiawh tuma tan laa ruihhlo an tih loh phah te chu lawmawm a tih thu sawiin, tan la zuia ruihhlo sim zui zel turin a chah bawk. Zu chungchangah bialtu MLA chuan, Zu in chu mimal zalenna a nih thu sawiin, a in duh te pawhin a hun leh hmun an thliar thiam a tul thu a sawi a, kn Society in zurui a ngaithei lutuk nia a hriat thu sawiin, Vantlang hmun-a zu rui thin te chu kan hauh thin a tul thu a sawi bawk.

Serchhip Sub-Hqrs. YMA Sports & Recreation Committee Chairman Zomuana Hnamte kaihhruai he hunah hian Serchhip Sub-Hqrs. YMA President Kawlthuama pawhin he Tournament hi YMA te tichaktu leh ti pumkhattu a nih thu sawiin, an buatsaih chhan ruihhlo dona ah pawh rah tha a chhuah zel a beisei thu a sawi a. Kum thar lamah Volleyball inelna buatsaih tuma ruahmanna an siam tawh thu a sawi bawk.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man