YMA Football Tournament-ah goal lut tam

Serchhip Sports Complex-a Inter-Branch YMA Football Tournament chu nimin khan khelh chhunzawm niin match thum khelh ah goal 18 zet a lut leh a ni.

Serchhip Sub-Hqrs. YMA buatsaih he Football Tournament-ah hian nimin-a inkhel hmasa berah Chhekhnai Branch YMA chuan Thentlang Branch YMA chu 4-2 in an hneh a, Chhekhnai Branch YMA tan hian Lalsangzela, Lalthanvawra, Lalrempuia leh Isaac Vanlalnunpuia ten goal khat theuh khungin Thentlang Branch YMA tan hian Rosangliana chuan goal hnih a khung a ni.

Inkhel vawi hnihna ah Chhingchhip Venghlun Branch YMA chuan Khawilailung Branch chu si kua faiin an hneh a, Chhingchhip Venghlun Branch tan Lalruatmawia chuan hattrick siamin goal li lai a khung bakah Zairemthanga, Lalnunpuia Royte, Lalromawia, Zosangzuala leh Lalengkima te chuan goal khat theuh an khung a ni.

Nimin-a inkhel hnuhnung berah Chhiahtlang Kawn Veng Branch YMA chuan North Vanlaiphai Rahsi Veng Branch YMA chu si thum faiin an hneh bawk a, he inkhel a goal lut te hi V. Lalhlimawma khung vek niin hattrick a siam a, he Tournament khelh mekah hian mi pathum ten hattrick an siam tawh a ni.

Vawiin-a inkhel turte :

P&E Veng Branch Vs Chanmari Branch (10:00)

S. Kawnpui South Branch Vs Vengchung Branch (12:00)

Chhim Veng Branch Vs Hriangtlang Branch (2:00)

Comments

Popular posts from this blog