Draft Mizoram River Protection Bill thlirhona nei

Mizoram chhunga lui humhalhna tur Dan duan chhin, Draft Mizoram River Protection Bill chu nimin khan Agriculture Minister C. Lalrinsanga hovin thlirho a ni.

Sub-Committee on Draft Mizoram River Protection Bill thukhawm Agriculture Minister Pisa-a neih ah hian Agriculture Minister C. Lalrinsanga chuan Mizoram chhunga lui kan neih te humhalhna tur Dan duan mek chu Vawiin a mite chauh ni lo, nakin zela thangthar lo la awm tur te tana ram nuam siamna tur atan a pawimawh em em a ni, a ti a. A humhalh leh vawn thianghlim bakah kan tui neihsa a kiam zel lohna atana humhim leh tihpun dan ngaihtuah a tul thu sawiin, mihring damkhaw chhuahna atana a lo-a awm theihloh, tui hi nakin thlenga hnianghnara kan neih theih nan he Dan hi a pawimawh hle dawn a ni, a ti.

The Mizoram (Protection of Rivers) Bill, 2022 duang tur hian Deputy Chief Minister Tawnluia hnuaiah Committee sang din niin hemi hnuaiah hian Agriculture Minister kaihhruai Sub-Committee din a nih bakah Working Group din leh a ni a. Anni hian Dan hi duang hmasa in Line Department-ah thawnchhuah leh a ni a, Line Department ten rawtna an siam chu Sub-Committee hian an thlirho a, heta an pawm chu Deputy CM kaihhruai Committee-ah thehluh leh tur a ni ang.

Comments

Popular posts from this blog