Tuichang Lei zawh hun tur pawhsei dilna ngaihtuah mek

Zonuna Kawlni (LENKAWL) • September 9, 2022 • Comments • Serchhip

Keitum leh Khawlailung inkara Tuichang Lei dawh hna thawktu Company ten hna zawh hun tur pawhsei an dilna chu ngaihtuah mek a ni.

Nimin-a Mizoram Legislative Assembly Session zawhna leh chhanna hunah Serchhip bialtu MLA Lalduhoma zawhna ziaka a chhanna ah PWD changtu Chief Minister Zoramthanga chuan Keitum leh Khawlailung inkar Tuichang Lei Satguru Company ten an dawh mek chu Dec. 1, 2016-ah tan a nih thu leh agreement ang chuan hna zawh hun tur hi Dec. 1, 2019 a ni tih a sawi a, thawh zawh hun tur hi April 11, 2021 thleng pawhsei sak tawh an nih thu leh tunah hian pawhsei an dil lehna chu ngaihtuah mek a nih thu a sawi.

Chief Minister chuan he Lei dawh mek hi Original Estimate chu cheng nuai 754.75 a nih thu leh October 31, 2018-ah Revised Estimate thehlutin cheng nuai 825.85 a nih thu leh tunah hian Physical-ah 80% zawh tawh a nih thu a sawi a, Retaining Wall chu BE-ah a tel thu pawh a sawi bawk a ni.