Hri kai thar 2 leh dam 3 awm

Serchhip District-ah nimin khan COVID-19 hri kai mi 2 hmuh belh niin mi 3 te chu anmahni enkawlna hmun atanga chhuahtir an ni thung.

Nimin khan Serchhip District-a Sample enfiah te atangin COVID-19 hri kai mi pahnih hmuh leh an ni a, heng hri kai hmuhchhuah te hi Khawlailung leh Lungchhuan khua ah mi pakhat ve ve an ni. Nimin khan Serchhip District-a hri kai enkawl mi 3 te chu anmahni enkawlna atanga chhuahtir an ni ve leh bawk a, heng te hi Then-zawl khuaa mi pahnih leh North Vanlaiphai-a mi pakhat te an ni.

Heti hian nimin tlai thleng khan Serchhip District-a COVID-19 hri kai hmuhchhuah tawh chu 14,517 niin an zinga 14,473 te chu enkawl dam an ni tawh a, hri kai hmuhchhuah atanga chhutin za zela 99.69 te enkawl dam ni tawhin hri kai enkawllai mi 8 an la awm a, hri kai zingah mi 36 an boral tawh bawk a ni. Serchhip District-a khaw 4-ah COVID-19 hri kai enkawllai la awmin Khawlailung-ah 4, Thenzawl-ah 2 leh East Lungdar leh Lungchhuan-ah mi pakhat ve ve te an ni.