Police ten Kuhvarah ro man

North Vanlaiphai Police te chuan nizan hmasa khan Kuhvarah ro quintal 97 manin nimin khan Lunglei-a Custom Preventive Force te kut-ah hlan tura thawn a ni.
Thudawn danin niminpiah chawhnu dar 2:00 vel khan Tuichangral Group YMA hruaitute chuan East Lungdar-ah Kuhvarah ro phurtu nia hriat Truck pali (4) te chu lo tidingin enfiah a nih hnuah Dan lova Kuhvarah ro phur ni ngeia an hriat avangin North Vanlaiphai Police te an hriattir nghal a, Police te hian lirthei indaihloh avanga a hmun an pan mai theih loh avangin heng Motor leh an kuhvarah ro phurh te hi North Vanlaiphai-ah hruaiin Police te kutah an hlan ta a ni.


Kuhvarah ro te hi Champhai Zotlang-a cheng Sangtei inti ta nia thudawn niin a phurhna Motor pali zinga pathum te hi F. Lalthanliana (43), Champhai Venglai chuan a ta a nih thu leh a dang pakhat pawh hi man chawia a hman a ni tih a sawi a, heng kuhvarah ro te a hma lama rawn lut leh tangkhang, tha vak tawh lo kg. khat Rs. 39 hisapa an leikhawm nia sawi niin a vaiin bag 165, quintal 97 a rit nia sawi a ni a, Rs. 3,91,200/- hu nia chhut a ni. Heng kuhvarah ro te hi Lunglei Rahsi Veng-a Lalthanmawii hnena pek tur a ni tih kuhvarah phurtute chuan an sawi bawk.

Comments

Popular posts from this blog

Tukverh-a tlasual boral