Latest News

Faina-ah hmalakna kalpui

/
Image
Faina beihpui thlakna atana sawrkar laipuiin programme a duan, Swachhta Hi Seva hnuaiah Faina kawnga hmalakna kalpui mek a ni a, tunkar chhung zawng hian kawng hrang hranga hmalak dan tur duansa hmangin hmalak a ni ang. Nimin khan Serchhip District chhunga khaw hrang hrangah Swachhta Hi Seva hnuaiah hian hmalakna kalpui niin Serchhip-ah chuan khawpui chhunga hmalatu UD&PA Department bultumin khawchhunga vantlang inthiarna hmun tihfai hna thawh a ni a. Thingtlang bika hmalatu PHE Department Serchhip WATSAN Division te hmalaknain Khawlailung, Mualcheng leh East Lungdar-ah te pawh vantlang hmun tihfai hnatlangpui hi neiin hun an hmang bawk a ni.
Post a Comment

Lengpui-ah Agriculture Minister lo hmuah a ni

/

Sept. 14-a Outlook Agri Tech Summit and Swaraj Awards hlanna a Mizoram in lawmman a dawn 'Best performing State in Agriculture among the North East States' dawngtu Agriculture Minister C. Lalrinsanga chu Inrinni khan Lengpui Airport-ah lo hmuah a ni a. Minister hmuahna hun hi J. Hmingthanmawia, Secretary, Agriculture Department in a kaihruai a, Minister C. Lalrinsanga chuan, “He lawmman hian phurna thar leh chona thar min pe a, kan hmalakna tlâwmtê, uanpui tham miah loh hmangin Pathianin kan ram a chawimawiah ka ngai. Vawiin ah hian Zoram loneitu zawng zawngte taima leh rinawm taka hna thawk zel turin ka chah duh a, kan ram hi Pathianin malsawm a duh tih i hre thar zel ang u,” a ti.

Comments

Post a Comment

Popular News (Last 30 Days)