ICT Minister in sawrkar laipui a dawr mek

Zonuna Kawlni /

New Delhi-a cham mek ICT Minister Robert Romawia Royte chuan Ministry of Information & Technology thuneitute kawmin Mizoram a IT leh E-Governance lama hmasawnna lian tham thlentir thei tur Digital Mizoram Project, cheng vbc. 400 senna tur a sawipui.

He hunah hian Minister Robert Romawia Royte chuan Mizoram chu hmun fianrial, kawng leh thlawhna hmanga inpawhna that tawk lohna hmun a nih avangin ramchhung hmun dang aia Digital Connectivity mamawh nasa bik a nih avangin a Project thehluh chu pawmpui ran a nih theih nan Finance Ministry-ah lo thlen rang turin a ngen a. NeGD President & Addl Secretary Abhisek Singh-a chuan Mizoram project chu tha thawkhat nia sawiin, sanction vat a nih theih nan an tih tur an tih zawh vat tur thu a sawi a ni.

Sports Minister chuan Ministry hrang hrangah PMJVK chungchang sawipuiin, Mizoram District 3 chauh tuam thin PMJVK Scheme chuan amah ngei pawhin a lo rawt fo tawh angin Guideline thar anga kumin atanga Mizoram District 11 a tuam kim tur chu lawmawm a tih thu a hrilh a, Instalment thenkhat release tura Mizoram sawrkar rawtna pawh thehlutin, hun reilote chhunga cheng nuai 10200 (vbc. 102) chu release an tum thu an lo hrilh a. Sum hman chak dan azirin a dang pawh an release zel tur thu an lo hrilh a ni.

Sports Minister chuan REC Chairman & CMD Vivek Kumar Singh IAS pawh kawmin Motorsports Racing Tract atana cheng nuai 700 lai an CSR Fund atanga Mizoram an pek avanga lawmthu hrilhin chak taka hnathawh mek dan a hrilh a. CSR atanga sanction tura Tourist Bus 3 leh Tourist Car 1 an dil pawh tifel vat turin a ngen a, REC Chairman chuan tihfel vat a lo tum tur thu a lo hrilh a ni.

Inrinni khan Tourism Minister hian Ministry of Tourism-a Senior Officers te Meeting neihpuiin Mizoram tana PRASAD Projects sanction vat dan turte, Ministry of Tourism (MoT) in Swadesh Darshan sum a pekchhuah ran dan turte, Mizorama Golf Tournament siam dan turte leh Mizoram-a Tourism khawmpui lian International Tourism Mart (ITM) hlawhtling taka neih dan turte sawiho a ni.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »