COVID-19 hri kai 5 hmuh belh

Nimin khan Serchhip District-ah COVID-19 hri kai mi 5 hmuh belh niin hri kai enkawl dam erawh an awm belh lo thung.

Nimin-a Serchhip District atanga COVID-19 hri kai hmuh belh te hi Serchhip khawpui pawnlam a mi te vek an ni a, Zote South-ah hri kai mi pahnih hmuh niin Thenzawl, East Lungdar leh North Vanlai-phai-ah te hri kai mi pakhat theuh hmuh an ni. Niminpiah-ah Serchhip District-a hri kai enkawl dam an awm belh loh hnuah nimin ah hri kai enkawl dam an awm belh lo leh a ni.

Heti hian nimin thleng khan Serchhip District-a COVID-19 hri kai hmu tawh chu 14,504 niin an zinga 14,452 te chu enkawl dam an ni tawh a, hri kai zinga za zela 99.60 te chu enkawl dam ni tawhin hri kai enkawllai mi 16 an la awm a, hri kai zingah mi 36 an boral tawh a ni. Serchhip District-a hri kai enkawllai te hi Thenzawl-ah 6, Serchhip-ah 3, Zote South leh North Vanlaiphai-ah 2 ve ve leh Mualcheng, East Lungdar leh Keitum-ah pakhat theuh te an ni.