World Peace Day 2022 hmang

Inrinni khan Young Men's Christian Association (YMCA) bultumin Aizawl-a Synod Conference Centre-ah World Peace Day 2022 hman a ni.

World Peace Day puala hun hman ah hian Mizoram YMCA President leh Mizoram sawrkar-a Minister ni bawk Dr. R. Lalthangliana chuan khawvel puma World Peace Day hman thin anih chhan sawiin, Indopui 2-na a USA-in Japan khawpui Atom bomb hmanga Hiroshima a beihna Ni denchhenin in khawvelah remna leh muanna a awm zel theih nan Remna Ni leh tawngtaina Ni atan August ni 6 hi YMCA bul tumin khawvel hmun hrang hrangah hman thin a ni tih a sawi a. Remna hi a hlu a, Lal Isua zirtirna Lungphum pawh Remna leh Hmangaihna a ni tiin, remna leh muanna a lo awm zel theih nan Pathian hnena inhlan thar theuh turin kalkhawmte chu a sawm a ni.

YMCA hi June 6,1844 khan London-ah din a ni a, khawvela thalai pawl lian ber niin, tun dinhmunah ram 130-ah an inzarpharh a, member inziaklut Maktaduai 40 chuang an awm mek a ni. Inrinni-a World Peace Day puala hun hman ah hian Mizoram Kohhran Hruaitu Committee (MKHC) aiawhte pawh telin Dr. Andrew Ahoto Sema Vice Chairman YMCA (NER) chu Khualzahawm a ni.