Govt. Serchhip College-ah Pa khawi dan zirho a ni

Mizoram sawrkar Planning and Prog-ramme Implementation Department hnuaia Entrepreneurship Development Centre bultumin nimin khan Govt. Serchhip College-a Department of Botany leh Food Myco Lab., Serchhip te chuan 'Entrepreneurship and Skill  Development Workshop On Mushroom Cultivation' an buatsaih.
Govt. Serchhip College Smart Classroom-a he Workshop neih hi he College Principal K. Laldinpuii chuan hawngin an College-ah Zirtawpni chawhnu apiangin Co-Curricular Activity (CCA) hrang hrang an buatsaih thin thu leh zirlaite tan kawng hrang hrangah inzirtirna kalpui thin a nih bakah a theih anga tam la kalpui zel an tum thu a sawi a. Mihring te hian theihna hrang hrang kan neih thu leh he College-a thawktute zingah pawh theihna hrang hrang nei ten an theihna zawn theuha thahnem ngai leh theihtawp chhuaha hma an lakna zarah NAAC 'A' Grade an hmuh thu a sawi a, hei aia Grade tha hmu thei tura theihtawp an chhuah zui zel a tul thu a sawi a. Zirlaite pawhin an theihna zawn theuhah thiamna sang zawk an neih theih nan hetiang hun an buatsaih chu hmang tangkai se a duh thu a sawi bawk.


Nimin-a he Workshop hawnna hun hi Malsawmtluangi,  Assistant Professor,  Department of Botany chuan kaihruaiin he College-a Botany Department in thla tin-a an zirlai titha an thlanchhuah, Students of the Month te hnena chawimawina an hlan thin chu zirlai pahnih hnenah Principal hian a hlan bawk a. Hemi hnu hian Foods Myco Lab, Mizoram Founder Henry Saingura chuan he huna tel zirlai naupangte chu eizawnna tlaka Pa (Mushroom) khawi dan zirtirna pein, Mizoram in Pa khawi lama harsatna a tawh thin, Pa chi-a intodelh tura hma an lakna te sawiin, zirtirna a pe a, Vawiin hian a hmun ngai ah training hi chhunzawm leha zawhfel a ni ang.

Comments

Popular posts from this blog

Tukverh-a tlasual boral