FEMSE in Pen Down Strike neih an tum

Federation of Mizoram Samagra Employee (FEMSE) te chuan nimin atanga Badge dum an bel in awmzia a neih loh chuan July 11, 2022 atangin Pen Down Strike an nei dawn tih an sawi.

Mizoram sawrkar hnuaia Samagra hnathawk inzawmkhawm pawl FEMSE te hi an hlawh chungchanga sawrkar hmalakna ah lungawi lovin nimin khan an hnathawhna ah Badge dum an bel tan a, hei hi Vawiin hian chhunzawm leh an tum thu sawiin, awmzia a nei lo a nih chuan July 11, 2022 atangin Pen Down Strike neih an tum tih an sawi a, hei hian awmzia a nei lo zel anih chuan July 15, 2022 hian FEMSE Council in an kal zel dan tur a ngaihtuah tur thu an sawi.

Sawrkar sikul Calender ang chuan July 18, 2022 leh July 27, 2022 inkar hian Exam neih a result tichhuah hman tur a ni a, July 28- 31, 2022 khi exam chawlh a ni ang a, August 1, 2022 atangin zirna In hawn leh tur a ni.