Lirthei chesual-ah mi 1 thi

Nimin tlai dar 5:30 rik hma hret khan Serchhip khawpui chhung Darnam Veng-a Biakhlira te In bulah lirthei pakhat chesualin mi pakhat a thih bakah midang 2 an hliam. Thudawn danin he Motor, Concrete Mixture Truck hi SGI Company hnuaia thawk niin tunhnaia ruahsur avanga Tuikhuah Veng NH. 54 kawngchhuat khi chu Cement-a hnawhin an kal a, heta an haw leh lam chu helai kawng kawi-ah hian Motor dang nen intawk thutin a Operator hian thunun zo lovin kawngthlang ah a tlanliam a, ft. 40 vel a lum a ni. He Motor-ah hian mi 4 chuangin Anan Das (25), Karimganj chu a hmunah a thi nghal a, Papu Ravidas (25) leh Sunil (25) te chuan hliam turin midang pakhat erawh a zuangthla hman a ni.