COVID-19 hri kai enkawllai mi 101 awm mek

Mizoram-ah COVID-19 hri kai enkawllai tlem ve hret hretin nimin tlai thleng khan hri kai enkawllai hi mi 101 an awm mek.

Inrinni khan Mizoram-ah Sample 254 enfiah leh niin heng atang hian COVID-19 hri kai mi 9 hmuhchhuah leh an ni a, Lunglei District-ah mi 4, Mamit District-ah mi 3 leh Aizawl District-ah mi pahnih te an ni a, an vai hian Rapid Antigen Test hmanga hri kai hmuhchhuah vek an ni.

Inrinni khan Mizoram-ah COVID-19 hri kai enkawl dam mi 22 awmin nimin khan hri kai enkawl dam hi mi 5 an awm belh leh bawk a, heti hian nimin tlai dar 5:00 thleng khan Mizoram-a COVID-19 hri kai hmuhchhuah tawh chu 2,28,400 niin an zinga 2,27,599 te chu enkawl dam an ni tawh a, hri kai hmuhchhuah atanga chhutin za zela 99.65 te chu enkawl dam an ni tawh a, hri kai enkawllai mi 101 awmin hri kai zingah mi 700 an boral tawh a ni.

Mizoram District 11 zingah District 8-ah hri kai enkawllai an la awm a, Aizawl District-ah 29, Lunglei District-ah 24, Mamit District-ah 16 Serchhip District-ah 13, Saitual District-ah 11, Khawzawl District-ah 5, Kolasib District-ah 2 leh Hnahthial District-ah mi pakhat te an ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man