‘Ramhmul damdawi I In-ah’ tih pualin hun hman a ni

Directorate of Ayush hnuaia State Medicinal Plant Board buatsaihin nimin khan Thenzawl a Integrated Ayush Hospital (IAH) Conference Hall-ah ‘Ayush Aapke Dwar - Ramhmul damdawi I In-ah’ tih hun hman a ni.

India ram zalenna kum 75-na, Azadika Amrit Mahotsav puala he hun hman hi IAH Thenzawl-a Resident Medical Officer Dr. HT. Zothanmawia chuan kaihruaiin he hun hmanpuitu Thenzawl DFO Lalbiakchama Chawngthu chuan Mizoram in Khuanu siamsa ramhmul damdawi kan ngah em em tih sawiin, heng te hi kan hlutin, kan la hmang thiam tawklo niin a lang a, kan ram-a nungcha leh ramhmul damdawi hlu tak tak ramdanga sumdawn nana hmanga lak leh phurhchhuah thin a ni chu mipui ten ngaihmawh nachang kan hriat tul a tih thu a sawi bawk.

He hunah hian Thenzawl leh a chhehvel a Ramhmul damdawi chingtute hnenah Ramhmul damdawi- Sunhlu tiak 950 leh Archangkawm tiak 100 sem tur chu semchhuah tan a ni bawk.