Phura PHC Building hawng

Zonuna Kawlni (LENKAWL) • April 1, 2022 • Comments • Mizoram

Cheng nuai 140.21 senga sak Phura khua-a Primary Health Centre (PHC) Building chu nimin zing khan Social Welfare Minister Dr. K. Beichhua chuan a hawng a, PHC building thar hawn theih a ni chu lawmawm a tih thu leh Phura leh a chheh-vel khua te tan hriselna kawngah hmasawnna thar a thlen ngei a beisei thu a sawi a ni. Phura PHC sakna tur sum hi NABARD under RIDF-XXIV atanga hmuh niin Zamzo Construction & Consultancy Services, Aizawl ten a sak hna hi an thawk a, room 12 awmin April 9, 2021 ah sak tan a ni a, nikum November 23 khan sak zawh a ni. PHC hawnna inkhawm zawhah hian mipui te tan a thlawna inentirna neiin damdawi pawh a thlawna sem nghal a ni bawk.