Hri kai 22 hmuh belh leh

Nimin khan Serchhip District-ah COVID-19 hri kai mi 22 hmuhchhuah belh leh an ni a, hri kai mi 23 te enkawl dam an ni bawk.

Nimin a Serchhip District-a COVID-19 hri kai hmuh te zinga mi 5 hi Serchhip khawpui chhunga mi te an ni a, New Serchhip Bazar Veng-ah hri kai mi pahnih hmuh niin Dinthar Veng, Ramthlun Veng leh P&E Veng-ah hri kai mi pakhat theuh hmuh an ni bawk. Heng bakah hian Thenzawl ah hri kai mi 9 hmuh an ni a, Chhingchhip-ah 3, Khawlailung-ah 2 leh East Lungdar, Kanghmun leh Ngentiang khua ah hri kai mi pakhat theuh hmuh an ni bawk.

Heti hian nimin thleng khan Serchhip District-a COVID-19 hri kai hmuhchhuah tawh chu 13,374 niin nimin a hri kai enkawl dam mi 23 te nen hri kai zingah mi 13,000 te enkawl dam an ni tawh a, hri kai hmuhchhuah atanga za zela 97.20 te chu enkawl dam ni tawhin hri kai enkawllai 240 an la awm a, hri kai zingah mi 33 an boral tawh bawk a ni. Serchhip District hi District hrang hrang zingah hri kai enkawllai tamna ber leh mi 200 aia tam enkawllai awmna awmchhun a la ni mek bawk.