Buhfai hralhchhuah khap

Mizoram sawrkar chuan thuchhuah siamin tunhnaia Social Media a lang buhfai rinhlelhawm nia ngaih ‘Suraj Premium Grader RICE’ kg. 50 bag chu Sample la in Laboratory-ah enfiah mek a ni tih an tarlang a. Hei vang hian a nihna chiang tak (Laboratory result) hriat a nih hma chuan Section 30 (2) (a) of Food Safety and Standards Act, 2006 tlawhchhanin zawrh leh hralhchhuah khap tlat a ni tih a tarlang bawk. Tunhnaia Champhai Venglai Presbyterian Kohhran Ruby Jubilee lawmna ruai buatsaiha buhfai an chhum chu chaw chhumna tui-ah a pil theihloh bakah a hmin hnuah buhfai dang ang lo takin a pawhfan theih a, Buhfai dik lo a nih ringhlelin a zuartute hnenah pekkir niin hei hi enfiah turin lak nghal a ni.