Luidung humhalh tlawh

Chhiahtlang leh Lamchhip inkar-a Mat lui hnar lam Chhiahtlang Hmar Veng Branch YMA ten an humhalh mek chu nimin khan District Fisheries Development Officer (DFDO) Lucy Lalrinpuii leh Serchhip Sub-Hqrs. YMA hruaitute chuan a hmunah an tlawh a, helai hmun humhalhtu Chhiahtlang Hmar Veng Branch YMA hruaitute chuan luidung humhalh kawnga hma an lak dan te an lo hrilh a ni.

Chhiahtlang Hmar Veng Branch YMA hruaitute chuan an luidung humhalh chhunga nungcha te chu eng hmanrua mah-a man an phal loh thu te, luikal ten Sangha an khawih loh nan lui kam hnai-a thing leh mau te Li leh Suar-ah te an dahhnawk thin thu leh an Branch YMA member te chu Group engemaw zat-ah inthenin a inchhawka an duty thin thu te an sawi a ni.