Kum 5 hnuailam te Zeng hri danna pek tan an ni

Zeng hri umbo beihpui thlakna atan ram-chhung hmundang te rualin nimin khan Serchhip District-ah pawh naupang kum 5 hnuailam te hnenah Zeng hri danna pek beihpui thlak a ni.

Zeng hri danna pek beihpuithlakna pual hian hmun hrang hrangah hun hman ni mah se Serchhip District-ah chuan COVID-19 hri leng avanga harsatna a awm avangin he ni pual hian hun hmang lovin Vaccination Booth hrang hrang 75-ah hri danna hi pek a ni a, Serchhip District-ah hian naupang kum 5 hnuailam mi 5591 te hnenah hri danna hi pek tura ruahman ah nimin khan mi 5185 te hnenah hri danna hi pek a ni a, hri danna la thei zinga za zela 92.74 ten hri danna hi an la a, nimin-a hri danna la lo te hi Vawiin atang hian an In-ah kalchilhin Zeng hri danna hi pek an ni leh dawn a ni.

Zeng hri danna pek beihpui thlak ah hian hri danna la thei zingah COVID-19 hri kai mek an awm chuan hri laka an fihlim hunah pek an ni dawn a, Serchhip District-a raltlan rawn lut zingah hri danna hi la duh leh la tura kal an awm chuan pek tura ruahmann a ni bawk.