Serchhip District-ah hri kai hmuh belh la awm zel

Niminpiah-a Serchhip District-a Sample enfiah atangin COVD-19 hri kai 5 hmuhchhuah an ni a, nimin khan hri kai pakhat hmuh leh a ni bawk.

Niminpiah khan Serchhip District-ah Rapid Antigen Test hmangin sample 90 enfiah niin heng atang hian hri kai mi 5 hmuh an ni a, nimin-a Keitum-a hri kai hmuhchhuah pakhat kan rawn tarlan tawh bakah nizan hmasa khan hri kai mi pahnih hmuh belh leh an ni a, heng mite hi hri kai hmuhchhuah tawh nen inkawmhnaihna lo nei an ni. Niminpiah khan Chhingchhip-ah hri kai mi 2 hmuh an ni bawk a, hmeichhia ve ve niin mahni inrinhlelhna neih avanga Sample enfiah niin hri an kaina hriat loh a ni thung.

Nimin khan Serchhip-ah COVID-19 hri kai mi pakhat hmuh belh leh a ni a, hri kai hmuhchhuah hi New Serchhip Venglai ami niin hri kai tawh nen inkawmhnaihna lo neih tawh avanga In lama inkhunghrang a ni.

Nimin khan Serchhip-ah COVID-19 hri kai enkawl mi 2 chu Nursing School CCC atanga chhuahtir leh an ni a, heti hian nimin tlai thleng khan Serchhip District-a hri kai hmuh-chhuah tawh chu 490 niin an zinga 415 te chu enkawl dam an ni tawh a, tunah hian hri kai en-kawllai mi 74 la awm mekin hri kai zingah nunna chan mi pakhat a awm tawh bawk a ni.