Mizoram-ah ramkang tum 3401 chhinchhiah

/

Nikum (2020) November thla atanga niminpiah, May 6, 2021 thleng khan Mizoram-ah ramkang tum 3401 thleng anga chhinchhiah a ni a, heng ah hian ram hectare 11681.621 a zau kang anga chhut a ni.

Mizoram sawrkar-a Environment Forest & Climate Change Department hnuaia DFO hrang hrang, DCF leh DCCF 13 ten an bial theuh dinhmun an thehluh atanga chhinchhiah danin nikum November thla atanga niminpiah thleng hian Mizoram hmun hrang hrangah ramkang 3401 a awm anga chhut a ni a, ramkang tamna ber Mamit DFO huamchhung ah tum 394 zet ramkang awm anga chhinchhiah niin Lunglei DFO in dawtin tum 379 awm anga chhinchhiah a ni bawk a, Lungsen DFO Area-ah tum 376 awmin hemi dawt-ah hian tum 361 zet ramkang awmna Thenzawl DFO Area a awm bawk a ni. Serchhip District chhunga awm, North Vanlaiphai DFO huamchhungah hemi hun chhung hian ramkang tum 88 awm anga chhinchhiah niin DFO hrang hrang zingah kangmei chhuak tlemna pawl a ni bawk.

He chhinchhiahna atanga a lan danin Serchhip District chhungah nikum November thla atanga niminpiah thleng khan kangmei chhuak tum 449 a awm a, Serchhip District aiin Lunglei District chhungah ramkang chhinchhiah tamin Lunglei District-ah hian ramkang tum 755 awm anga chhinchhiah a ni bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »