Hri kai thar 7; Dam 57

Nimin khan Serchhip District-ah COVID-19 hri kai hmuhchhuah thar mi 7 awmin hri kai mi 57 enkawl dam an ni thung.

Tun thla ni 11-a Serchhip Chanmari Veng-a hri kai hmuhchhuah te chhuina kal zelah nimin khan Sample enfiah chhunzawm leh niin hri kai mi 2 hmuh belh leh an ni a, heng mite hi hri kai hmuhchhuah tawh te nen inkawmhnaihna nei niin heti hian tunhnaia Serchhip Chanmari Veng-a hri kai hmuhchhuah chu mi 25 an tling ta a ni. Nimin vek khan Chhing-chhip khua ah hri kai mi 5 hmuh niin hri kai tawh te nen inkawmhnaihna nei an ni bawk.

Nimin khan Serchhip District-a hri kai enkawl mi 57 enkawl dam an awm ve leh bawk a, an zinga mi 41 te hi PTS Thenzawl-a enkawl niin Horticulture College, Thenzawl CCC atangin mi 15 leh ZMC-a enkawl mi pakhat te an ni. Serchhip District-ah hri kai enkawllai mi 68 an la awm mek a, Nursing School, CCC-ah mi 30, Horticulture College, Thenzawl, CCC-ah mi 2, PTS Digital Class Room, CCC-ah mi 5, KVK Farmer Hostel, N. Vanlaiphai, 4C-ah mi 1, 4C Chhing-chhip-ah mi 14 leh Home Isolation 16 an ni.