Latest News

Cricket Final khel dawn

Cricket Association of Serchhip District in an buatsaih, Serchhip District Cricket League vawi khatna chu Vawiin chhun dar 12:00 hian Final khelh a ni dawn ta a, Tuikhuah Veng CC leh AO3C ten Final hi an khel dawn a ni. He inkhel hi TV lamah en theih tura pekchhuah leh a ni dawn a ni. Vawiin a Final khelh hi Cricket Association of Mizoram hotute pawhin an rawn hmanpui dawn a ni.

Hri kai pakhat enkawl dam

Nimin khan Serchhip District-ah COVID-19 hri kai mi pakhat enkawl dam leh niin hri kai enkawllai 111 an awm mek.

Nimin-a hri kai en-kawl dam tak hi April 19-a hri kai hmuhchhuah niin Chhingchhip khua a ni a, nimin khan Nursing School CCC-a hri kai enkawl pakhat chu ZMC-a enkawl tura thawn a ni bawk. Heti hian nimin tlai thleng khan Serchhip District-a hri kai hmuhchhuah chu 310 la niin an zinga 197 te chu enkawl dam an ni tawh a, Nursing School CCC-ah mi 89 enkawl niin AYUSH Hospital Thenzawl-ah mi 19 leh Home Isolation mi 3 bakah ZMC-ah mi pakhat an ni a, hri kai zingah nunna chan mi pakhat a awm tawh a. Home Quarantine mi 361 leh sawrkar hmunhmaa inkhung-hrang mi 60 an la awm mek bawk a ni.

Comments

Chhiar Hlawhte