Latest News

Chanchin thar thenkhat :

Oil Depot hmun tur sawipui

Kolasib bialtu MLA leh Supply Minister, K. Lalrinliana chuan nimin khan Bairabi-a Oil Depot bunna tur hmunhma tihfel tur a hmalakna te Kolasib DC a sawipui a, Bairabi-a Oil Depot bunna tur a ram mamawh zawng zawngte hi DC Office, Kolasib hmalaknaa endik vek tawh a nih thu leh a tul anga bawhzui a nih theih nan March, 2021 khan Departmental Land Selection and Purchased Board hnenah thawn a nih thu tarlan a ni a. Hemi atan hian ram 46.70 acre a zau, mi 26 te hming a awm chu endik a ni tawh bawk a ni. Supply Minister hian Bairabi Screening Point-a Covid-19 hri kai hmuchhuahte Covid Care Centre panpui an nih hma a an lo awm hran lailawkna tur hmun changtlung zawk ruahman dan tur DC hi a sawipui a, Screening point-a Covid-19 hri kai an ni tih hmuhchuah te khung-hran leh enkawlna atan Jordan Home, Sethawn chu tangkai zawk a hman a nih theih dan turte sawi a ni bawk.


Containment Zone-ah puang

Mizoram-a COVID-19 hri leng mek vangin nimin khan Siaha Veng hrang hrangah hri kai en-fiahin Random Test neih a ni a, he thu buatsaih lai thleng hian hri kai mi 30 zet hmuhchhuah an ni tawh a, test hi la kalpui zel tur a ni ang. Hetianga Siaha khawpui-ah hri a darh nia a lan avang hian Siaha Town huamchhung chu Containment Zone ah puan nghal niin Random Test pawh hi neih zui zel tura ruahman a ni bawk.


MZP in NUG an thlawp

MZP General Hqrs. chuan nimin khan Extended OB Meeting neiin Myanmar-a mipui thlan MP tena an din, CRPH (Committee Representing Pyidaungsu Hluttaw)-in April 16, 2021-a sawrkar thar, National Unity Government (NUG) an din chu tha an tih thu leh an thlawp thu an sawi a. He mipui sawrkar din hi India sawrkar leh ramdang sawrkar pawhin pawm ngei se an duh thu an sawi bawk.

Comments

Chhiar Hlawhte