Latest News

DC Office-a thawk te inkhunghrang tura tih an ni

Serchhip Assembly Bial Bye-election neih zawh taka Reserve Counting Observer, Naga-land atanga lo kal chu a haw hnuah COVID-19 hri a kai tih hmuhchhuah anih avangin Serchhip DC Office-a thawk engemaw zat chu In lama inkhunghrang tura tih an ni.

Tun Pathianni kalta-a Serchhip Bial Assembly Bye-Election vote chhiarna-a Reserve Counting Officer, Nagaland atanga lo kal hi Nagaland-a a haw hnuah Dima-pur Airport-ah COVID-19 hri a kai tih hmuh-chhuah a ni a, hemi hriat anih veleh hian Serchhip DC Office a thawktu, a bik takin Vote Chhiar ni a Counting Hall-a awm te chu mahni In lama inkhunghrang vek tura tih nghal an ni.

Hemi chungchangah hian Serchhip District Bawrhsap, Kumar Abhishek chuan DC Office a thawk, a bikin inthlan vote chhiar ni-a Counting Hall-a awm zawng zawngte leh Vote chhiar tura ruat Official zawng zawngte chu mahni In lama inkhunghrang vek tura an in hrilh-hriat nghal thu a sawi a, Reserve Counting Officer nena First Contact lo nei te bik phei chu COVID Test neih anih hma chu tumah tlawh-pawh tawh rihlo tura an inhriattir thu sawiin, DC Office erawh inkhunghran ngai ve lo mi then-khat te a inchhawkin an kal reng tho tih a sawi a, inkhunghran ngaite pawhin a theih chin chinah mahni In atangin hna an thawk hlawm tih a sawi bawk.

Comments

Chhiar Hlawhte