Latest News

Sports Comples-a Running Track-ah Line la rin theilo

Serchhip Sports Complex-a Running Track siam hna thawh mek chu Running Track hi a zim avangin Track Line rin hna thawh tan theih ala ni rihlo.

Serchhip Sports Complex-a Synthetic Running Track siam mekah hian he hna thawktu Syncott International te chuan tunkar atang hian Track Line rin tumin hma an la a, nimin khan a bul tanna atan Measurement lain hetah hian a rual-a mi 6 tlan theihna tura ruahman chu a tlin tawk loh avangin Line rin hna hi thawh tan theih ala ni rihlo tih an sawi a ni. He hna thawktute chuan nimin-a Running Track Measurement an lak ah hian a pumpui-ah ft. 1 vela zau in a tlinglo tih an sawi a, hei vang hian hmalak zui dan tur chungchang hi UD&PA Department hotute an la sawipui leh tur thu sawiin, hemi a thutlukna an siam hma chuan hna hi tan theih a ni rih dawnlo tih an sawi a ni.

Hetihlai hian March 7, 2019-a he Running Track siam hna tlawhtu Serchhip Sub-Hqrs. YMA Vigilance & Monitoring Committee hruaitute hnenah hetih hunlai-a hnathawh viltute chuan an Track line siam mek chu Lane 6 awm tur anih thu sawiin, tuna Football Ground awm dan hi a dik tawkloh avangin duh anga siam theih anih loh thu an lo sawi tawh a. Track line hi International Standard-ah a inkar zau zawng hi 1.22meter tur a ni a, hetihlai hian Serchhip Complex Field-ah chuan 1.10. meter bak a siam theih loh thu sawiin, Track line inkar chu International Standard aiin inches 4 zelin a zim dawn thu leh tuna Football Ground awmdanah hian hetiang bak hian a siam theihloh tih an lo sawi tawh thung a ni.

Comments

Popular News (Last 30 Days)