Running Track Line rin mek

Serchhip Sports Complex-a Synthetic Running Track siam hna thawh mekah Line rin hna chu thawh tan a ni ta.

Serchhip Sports Complex-a Synthetic Running Track siam hi a tet deuh avanga Line rin hna thawh tan mai theih a nih loh hnuah niminpiah khan Line rin hna hi thawh tan niin he hna thawktu Syncott International hotute chuan nimin khan Line rin hna hi zawhfel vek an tum tih an sawi a. Synthetic Running Track-ah hian heng meter 100, meter 400, meter 1500 leh meter 4000 Relay Race tlan theihna tur rin a ni dawn a ni.

Running Track siam mekah hian National leh International Level inelna thleng thei tur chuan a ruala mi 6 tal tlan theih a ngai a, hei vang hian a ruala mi 6 tlan theih a rin a ni dawn a, amaherawh chu kar kalta-a mithiam ten an enfiahna ah tuna Running Track-ah hian a rual-a mi 6 tlanna a len loh avangin a pawn lamah ft. khat velin zauh a nih dawn bakah a chhunglam-ah kual hnih chu zauh a ngai dawn bawk a, hemi atan hian he hna thawktute hi Estimate lo siam tura an tih angin Running Track zauhna atan hian nuai 50 vel senna tur Estimate an siam tawh thu an sawi bawk a ni.