Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Mizoram Legislative Assembly 7-na Budget Session tluang taka zawhfel a ni

Mizoram Legislative Assembly 8-na thutkawm vawi 7-na chu nizan khan zawhfel a ni ta a, nimin-a Assembly Budget Session chhunzawm-ah hian Minister pahnih te Department enkawlna tura sum ruahman chu pawm leh niin nizan khan Speaker, Lalrinliana Sailo chuan thutkhawm hi tiamchin awm lovin a titawp a ni.

Thla hmasa February 23, 2021 atanga neih Mizoram Legislative Assembly 8-na a thutkhawm vawi 7-na, Assembly Budget Session hi nimin khan chhunzawm leh niin Minister pahnih te chan Department enkawlna atana sum ruahman chu Member ten sawiho-a pawm a nih hnuah tun tum Session-a pharh leh pawm tak, kum 2021-2022 atana Mizoram Budget hman phalna Bill chu House-ah pawm leh a ni a, hemi hnu hian Speaker chuan tun tuma Assembly Budget Session chu nizan dar 7:39 khan tiamchin awm lovin a titawp a ni.

Speaker, Lalrinliana Sailo chuan ruahman lawk anga thutkhawm tluang taka neih a nih avanga lawmthu sawiin, tun tum thutkhawm hian ni 23 chhung awhin ni 15 thutkhawm neih a nih thu a sawi a. Thutkhawm tan Ni hian Mizoram Larsap in House-ah thu a sawi thu leh a thusawi chungchanga lawmthu sawina Motion pawh House in a pawm thu sawiin, member hlui mi 2 te sunna hun hman a nih thu a sawi a. Thutkhawm neih chhungin House-ah Paper 5 pharh a nih thu te, House chhunga chhan chi zawhna 387 lut a vaia pawmin pakhat hnuhdawh a nih thu te, heng zinga 60 chu chhan hman niin 179 te chu chhan hman a nih loh thu te, ziaka chhan chi zawhna 193 lutin 172 pawmin 21 lai hnawl a nih thu a sawi a. Thutkhawm neih chhungin Paper 19 lay a nih thu leh Government Bill 5 lut chu pass vek a nih thu sawiin, Private Member Resolution 77 dawngin pawm vek a nih thu leh pahnih te chu House-ah sawiho hnuah pass a nih thu leh Minister 3 in Statement an siam thu a sawi bawk.

Nimin-a zawhna leh chhanna hunah PWD changtu Chief Minister, Zoramthanga chuan PMGSY emaw PWD hnuai emaw a kawng siam tur Contractor ten an hna an hralh chhawng thin ni a sawi chu titawp turin sawrkarin hma a la dawn tih Dr. Vanlaltanpuia zawhna chhangin a sawi a. Haulawng leh Hnahthial inkar kawng sial mek chu kumin April ni 5-ah zawhfel anih tur thu pawh sawiin, Mizoram chhung khaw 9-a NH. 54 tihzauh hna thawh mekah tui lakna pipe tihchhiat chu pipe line sawna siamtha turin PHE Department hnenah sum pek a nih tawh thu leh hmalak thuai tum a nih thu a sawi bawk.

Comments

Popular News (Last 30 Days)