Latest News

Cricket Final khel dawn

Cricket Association of Serchhip District in an buatsaih, Serchhip District Cricket League vawi khatna chu Vawiin chhun dar 12:00 hian Final khelh a ni dawn ta a, Tuikhuah Veng CC leh AO3C ten Final hi an khel dawn a ni. He inkhel hi TV lamah en theih tura pekchhuah leh a ni dawn a ni. Vawiin a Final khelh hi Cricket Association of Mizoram hotute pawhin an rawn hmanpui dawn a ni.

La fimkhur zel a tul thu sawi

Serchhip CMO, Dr. Laldawngliana Sailo chuan COVID-19 hri leng ah mipuite kan la fim-khur a tul thu a sawi.

    NPCDCS hnuaia Population Based Screening kalpui tur chungchang zirhona nimin-a Serchhip Press Club-a neih a hmanpuina ah he thu hi sawiin Dr. Laldawngliana Sailo chuan nikum lamah hri leng avanga harsatna nasa tak kan tawh thu sawiin, tunah chuan hri kai hmuhchhuah te dinhmun thlirin hri leng hian min chenchilh ni tawh bera a lan thu a sawi a. Hei vang hian mahni theuh kan fimkhur a tul thu sawiin, hri leng avanga nunna chan kan tlem rih avangin fimkhurna kan thlahthlam tur a ni lo tih a sawi a. Kan khawsak phung enin hri leng pawh kan hlau lo tial tial nia a lan thu sawiin, amaherawh chu hri hi darh hluai thei a nih avang leh kum upa leh natna benvawn nei te tan chuan ala hlauhawm tho avanga kan fimkhur a tul thu a sawi bawk.

Comments

Chhiar Hlawhte