Latest News

Chanchin thar thenkhat :

CM in COVID-19 vaccine la

Kum upa leh natna benvawn nei te tana CO-VID-19 hri danna pek runpui, Co-WIN 2.0 kalpui mek ah nimin khan Chief Minister, Zoramthanga leh MLA dang te chuan hri danna hi an la a, nimin-a hri danna la te hi Chief Minister Zoramthanga bakah Tawnluia, Lalrinliana Sailo, Dr. R. Lalthangliana, Lalchamliana, R. Lalzirliana, K. Lalrinliana, Dr. K. Beichhua, Lalrintluanga Sailo, KT. Rokhaw, C. Ngunlianchunga, Ramthanmawia, Lawmawma Tochhawng leh Zothantluanga te niin Vaccine First Dose hi Assembly Annex-ah an la a ni.


Ni 30 awh tur Training tan

Sawrkar laipui-a Ministry of Tribal Affairs leh Social Welfare & Tribal Affairs Department tangkawp buatsaih ni 30 chhung awh tur ‘Virtual Tribal Art Development Workshop’ chu nimin khan Social Welfare & Tribal Affairs Department Director, A. Vanlalzawni chuan Aijal Club-ah a hawng a, Tribal Art tih hmasawn tum a nih thu leh Mizo thalaite tana ngaihven chi a nih thu te a sawi bawk. Tribal Art Development Workshop thawhkhatna kalpui turah hian Hnahthial District tihloh District dang 10 atangin mi 110 tel turin an inziaklut a ni.


Training buatsaih zofel

Central Institute of Horticulture (CIH), Medziphema Nagaland bultuma KVK North Vanlaiphai in Serchhip District chhung khaw hrang hranga thlai chingtute tana Training an buat-saih chu nimin khan North Vanlaiphai-ah chhunzawm leha zawhfel a ni a, nimin-a KVK Training Hall, North Vanlaiphai-a Training neih hi KVK North Vanlaiphai-a Senior Scientist & Head, Dr. T. Vanlalngurzauva chuan kaihruaiin Vanlalhmuaka Ngente, Subject Matter Specialist chuan Tomato chin leh enkawl dan zirtirna a pe a, a taka tihchhinna neih a ni bawk. He Training-ah hian North Vanlaiphai bakah Lungchhuan, Chekawn, Khawilailung leh Piler atangin kuthnathawktu mi 46 an tel a ni.

Comments

Chhiar Hlawhte