Latest News

BJP in Official Candidate tur an puangchhuak

BJP Mizoram Pradesh chuan thla thar April 17-a Serchhip bial-a Assembly bye-election lo awm turah Lal Hriatrenga Chhangte chu BJP Official Candidate a ni dawn tih an puang.

Nimin a Candidate tur puanna inkhawm Aizawl-a BJP Office-a neih ah BJP Mizoram Pradesh President, Vanlalhmuaka chuan 26-Serchhip (ST) A/C-a BJP Official Candidate tura BJP Mizoram in rawtna an siam, Central BJP pawmpuina lehkha chu March 25, 2021 tlai khan dawn anih angin Lal Hriatrenga Chhangte chu BJP Official Candidate a ni tih lawm takin a puang tih a sawi a. BJP President chuan, “State Sawrkar kan hria a, Rulling MLA emaw Minister Bial te hian hmasawnna tha bik Opposition MLA te aia an neihna kan hmu lo a ni,” tiin an party candidate, Lal Hriatrenga Chhangte chu Serchhip Bial mipuite tan chuan tangkai ber tur leh hnathawk tha thei tur ber a ni tih a sawi a. “BJP Official Candidate Pu Hriata Chhangte hi an thlangtling anih chuan Central atanga a bik taka puihna Serchhip Bial mipuite hian an hmu dawn a, chuvangin Serchhip Bial mipui te chuan BJP Official Candidate Pu Lal Hriatrenga Chhangte chu lo Vote tling turin ka ngen che u a ni,’ a ti.

Serchhip bial-a BJP Official Candidate tur, Lal Hriatrenga Chhangte hian ngawrh takin campaign a kalpui mek a, karleh Thawhlehni khian he inthlanna chuh tur hian Nomination Paper a thehlut dawn tih kan Palai zawhna chhangin a sawi bawk.

Comments

Chhiar Hlawhte