Latest News

AVBD hruaitu thlanna nei

Association for Voluntary Blood Donation (AVBD) Serchhip Branch chuan nimin khan kum 2021-2023 chhunga an hruaitu tur thlanna an nei.

AVBD Serchhip Branch hruaitu thlanna hi Serchhip Sub-Hqrs. YMA Conference Hall-ah neih niin Serchhip Blood Bank Officer, Dr. Lalruatliana Pachuau chuan he inthlanna hi a kaihruai a, kum 2021-2023 chhunga hruaitu atan hian mi 6 thlanchhuah niin heng mite hian an chanvo tur an la insiamrem leh dawn a, mi thlan-chhuah te hi C. Zakunga (P&E Veng); Hming-thansiama (Bazar Veng); Laldinpuia (Hmar Veng); Lalrintluanga (Chhim Veng); T. Biak-chamliana (AOC Veng) leh Zonunsanga Kawlni (Chanmari Veng) te an ni.

Association for Voluntary Blood Donation (AVBD) hi damlo thisen mamawh ten an mamawh hun apiangah a thlawna thisen an dawn theihna tura hma la tu pawl niin kumin hian thisen pek zawng zawng atanga zaa 90 chu mi tlawmngai ten a thlawna an pek ni thei turin Project an siam a, midangte tana tlawmngai-a thisen pe zel turin mimal, Pawl, Kohhran Thalai leh zirlaite chu an sawm bawk a ni.

Comments

Chhiar Hlawhte