Hri kai 71 leh inkhunghrang mi 189 la awm mek

Serchhip District-ah COVID-19 hri kai enkawllai mi 71 awm mekin hri leng avanga la in khunghrang mi 189 an la awm bawk.

Serchhip CMO Office atanga thu kan dawn danin Inrinni khan Serchhip leh a chhehvel atangin Sample te lakkhawm leh a ni a, heng Samle lakkhawm 16 te hi nimin khan enfiah nghal niin a result hriat hman a ni lo a, he test result hriat hma nimin thleng khan Serchhip District-ah COVID-19 hri kai enkawllai mi 71 la awmin heng zinga a tam ber mi 61 te chu BSF sipai niin Nursing School CCC-ah enkawl mek an ni a, Serchhip District atanga hri kai hmuhchhuah mi 3 te chu Chhiah-tlang Tourist Lodge CCC-ah awmin Thenzawl AYUSH Hospital CCC-ah mi 7 enkawl mek an la ni bawk.

Hetihlai hian Serchhip District-ah hri leng avanga inkhunghrang mi 189 zet an la awm mek bawk a, heng zinga a tam ber mi 104 te chu sawrkar hmunhma hrang hranga inkhunghrang te niin mi 41 te chu Vantlang hmunhmaa inkhunghrang an ni thung a, mahni In lama inkhunghrang mi 44 an la awm mek bawk a ni.

Comments

Chhiar Hlawhte