Latest News

MPCC in Health Minister benghniam tumna ah ngai

Mizoram Pradesh Congress Committee (MPCC) chuan COVID-19 chungchanga Health Department sum hman dan endik chu Health Minister benghniam tumna ah an ngai tih an sawi.
Inrinni-a thuchhuah an siamah MPCC Media Department chuan June 18, 2020 atang khan Finance Department thu angin Accounts and Treasuries Department hnuaia Special Audit Team chuan COVID-19 chungchanga Health Department sum hman dan an endik tan tih sawiin, Health Department sum hman dan endikna (audit) hi hmanhmawh taka kalpui turin Finance Department hian Accounts & Treasury Department a hriattir thu leh an endik tan ni, June 18 khan endik an nih tur thu hi Health Department Official thenkhat chuan an hre ve chauh nghe nghe niin an sawi.
COVID-19 vanga Health Department an buai hle laia Internal Audit hmanhmawh taka kalpui a ni ta rum rum chu a mak hle nia sawiin MPCC chuan, MNF General Hqrs. Vice President atanga an paih tak, COVID-19 dona kawnga mipui fak hlawh tak ni si Dr. R. Lalthangliana umzui zelna leh amah benghniam tumna dik takah an ngai tih an sawi a. Chief Minister leh Health Minister inkar fel loh avang leh, Health Minister benghniam tumna thil avang mai maia COVID-19 dona kawnga buai em em Health Department hotu leh thawktute'n rilru hnual rawihna tham an tawk chu mak an ti hle tih an sawi.
COVID-19 dona kawnga sum hmang hnem Health Department sum hman dan an endik ang bawk hian sum hmang hnem ve tho, Minister Lalchamliana chan Disaster Management & Rehabilitation Department leh Home Department-te sum hman dan chu an endik ve ngam dawn em tih an thlir reng tih pawh sawiin, a rang thei ang bera Internal Audit ti ve tura an phut thu an sawi bawk.

Comments

Popular News (Last 30 Days)