SEC thutkhawm neih a ni

Serchhip Sub-Hqrs. YMA chuan nimin khan Executive Committee thutkhawm neiin thla thar-a YMA Sub-Hqrs. Conference neih tur atana thil pawimawh hrang hrang an sawiho.
Nimin-a Serchhip Sub-Hqrs. YMA Executive Committee (SEC) Meeting hi an President, R. Sanghming-thanga chuan kaihhruaiin thla thar April 15-17, 2020 chhunga Thentlang khuaa Serchhip Sub-Hqrs. YMA Conference vawi 7-na neih tura Branch YMA hrang hrang atanga Agenda rawtna lut te thlirin Conference-a chhawpchhuah turin Agenda 9 an thlang a. Inthlanna buaipuitu tur an ruat bakah inthlanna neih tur atan SEC atanga Nominate tur mi 10 an thlangchhuak a, Programme Committee atanga Conference Programme ruahman hrang hrangte thlirin, he Conference-ah hian khuallian atan Health Minister, Dr. R. Lalthangliana leh khualzahawm atan bialtu MLA leh Deputy Speaker, Er. Lalrinawma te bakah Kumpuan thupui sawi turin Central YMA sawm nise an ti bawk a. Heng ruahmanna hrang hrangte leh Group YMA atanga Agenda rawtna lut te thlirin April 6, 2020 khian Sub-Hqrs. YMA Coordination Committee (SCC) thutkhawm neih nise an ti bawk.
Hei bakah hian nimin a SEC thukhawm hian tun thla ni 27-a Serchhip-a Chapchar Kut hmanna tura Programme leh tuldangte lo bawh-zui turin Committee din nghalin Chairman-ah Sub-Hqrs. YMA President, R. Sanghmingthanga leh Secretary-ah H. Lalrinawma bakah OB dang te an ruat nghal bawk.

Comments

Chhiar Hlawhte