Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Serchhip-ah boruak muanawm tak hnuaiah Krismas hman a ni

Kum 2019 Krismas chu Serchhip-ah pawh boruak muanawm tak hnuaiah hman a ni.


Kum 2019 Krismas Urlawk hian nizan (Dec. 24, 2019) zan khan Kohhran hrang hrangte chuan anmahni Biak In theuh ah inkhawmna hun tha tak neiin Salvatioon Army te chuan nizan dar 8:00 atang khan Serchhip Bazar tual-ah 'Coffee Nite' hmangin zaithiam hrang hrangte an zai a, mipui ten an hlut hle a, vawiin khan Kohhran hrang hrangte chuan Krismas lawmna neiin inkhawmna hun an hmang a, chawhma leh chawhnu lamah inkhawmna hi neiin thupui hrang hrang hmanga thusawi ngaihthlak niin chhun-ah Krismas lawmna thingpui ruai an kilho a, Kohhran tam zawk chuan naktuk ah Krismas lawmna ruai an kilho ang.

Serchhip-a Krismas Urlawkna hi boruak muanawm tak hnuaiah hman a nih theih nan sawrkar thuneitute leh tlawmngai pawl ten venhimna uluk takin an ruahman a, Police ten Veng hrang hrangah Duty an insiam bakah Patrolling neiin Veng hrang hrang an tlawhkual reng bawk a, Magistrate te pawhin Veng hrang hrang an tlawhkual bawk a, Serchhip Sub-Hqrs. YMA hruaitute pawhin Veng hrang hranga YMA Duty te tlawhkualin an thingpui lumna senso tur an sem bawk a ni.

Nizan lamah khan Serhhip Police te chuan mi 6 manin heng zinga mi 5 te hi Serchhip khawchhung mi an ni a, amaherawh chu pawikhawihna lian erawh a thlenglo nia thudawn a ni bawk.

Comments

Popular News (Last 30 Days)