Pradhan Mantri Matru Vandana Yojana Week kharna hun Serchhip-ah hman a ni

PMMVY-ah Serchhip District in hma la \ha ber

Nu naupai leh naupawm te tana ham\hatna, Pradhan Mantri Matru Vandana Yojana (PMMVY) kum khat tlin lawmna puala he Scheme hnuaia hmalak dan thlirletna chawlhkar khat awh, Matru Vandana Saptah Week hman kharna chu nimin khan Serchhip-ah PMMVY Cell ICDS buatsaih in hman a ni.

Serchhip Hmar Veng YMA Hall-a PMMVY kum khat tlin lawmna leh Matru Vandana Saptah Week kharna inkhawm nimin a neih hi F. Hmingthankimi, DPC, PMMVY Serchhip chuan kaihruaiin Khuallian atan Deborah Vanlalchhuangi, District Programme Manager, Reproductive & Child Health (RCH) chu hman a ni a. Khuallian chuan naupang kumkhat hnuailam thihna, IMR leh Nu nau chunga thihna, MMR-ah Serchhip dinhmun te sawiin, nikum September a\anga thla kalta August thla thleng khan Serchhip District-ah Nu nau chunga thihna a thleng lova, naupang kum 5 hnuailam thi 6 awmin, nausen enkawl lamah \an kan lak deuh a ngai a ni, a ti a. Nu naupai te tan a hun taka inentir leh Vaccine lak ngaih pawimawh inzirtir leh naupai lai a nu leh a naupai tana \halo laka fihlim tura inzirtir uar turin he hun a kal khawm te a chah bawk.

Nimin a he hun hmanna ah hian Khuallian bakah Serchhip ICDS Project-a CDPO, Vanlalhruaii, R. Sanghmingthanga, President Serchhip Sub-Hqrs. YMA leh Lalhmunthangi, Treasurer, MHIP Sub-Hqrs. Serchhip ten thu an sawi a, Hmar Veng Anganwadi Centre-a naupang ten Special Item an entir bawk.

Pradhan Mantri Matru Vandana Yojana (PMMVY) Scheme hi Sept. 1, 2017 khan kalpui \an niin kumin September 1 khan kumkhat tlingin hemi Ni a\ang hian Matru Vandana Week hi hman \an a ni a. Serchhip District-a Anganwadi Centre hrang hrangah hun hman niin nimin khan a kharna hun hman a ni a. He huna tarlan a nih danin PMMVY hnuaiah hian Serchhip ICDS Project-ah mi 432 hnenah \anpina Rs. 15,71,000/- pek ni tawhin East Lungdar ICDS Project hnuaia mi 335 hnenah Rs. 12,11,000/- pek a ni tawh bawk.

PMMVY Scheme hi ICDS Project hnuaiah kalpui niin Serchhip District-ah chuan Serchhip leh East Lungdar ICDS Project-ah kalpui a ni a. Heng Project pahnih te zingah hian E. Lungdar ICDS Project chu hma la \ha zawkah \angin lawmpuina thuziak hlan an ni a. Worker ti\ha te hnenah pawh lawmman hlan niin Serchhip ICDS Project ah 1-na R. Lalhlimpuii, Chhaih-tlang Venghlun, 2-na Lalhlupuii, Serchhip Darnam leh Kapzauvi Serchhip P&E Veng te an ni a. East Lungdar ICDS Project a\angin Vanlalhmuaki, Mualcheng-III chu pakhatna niin 2-na Hruaikimi Mualcheng-II leh 3-na Lalzar-zovi, Sialhawk te an ni.

PMMVY-ah Serchhip District in hma la \ha ber

India hmarchhaka District hrang hrang zingah Serchhip District chuan nimin khan PMMVY hnuaia hma la \ha ber lawmman a dawng. Nimin a PMMVY Anniversary Week kharna inkhawm hi rampum huapin Dehradun, Uttarakhand-ah neih niin he hunah hian State Level leh District Level-a ti\hate hnenah chawimawina (Award) semchhuah a ni a, PMMVY-ah hian India hmarchhak State te zingah Mizoram chu a ti\ha ber niin Serchhip Distict chu India hmarchhak-a District hrang hrang zingah a ti\ha ber a ni bawk a. Best District Award hian pawisafai Rs. 50,000/- leh Medal a kengtel a ni. Heng chawimawina te hi Mizoram leh Serchhip District aiawhin Social Welfare Department-a Deputy Director, Vanlalpianpuii leh State Programme Coordinator, Brenda Lalrindiki ten Dr. Vinod Paul, Member (H&N), NITI Aayog kut a\angin nimin khan an dawng a ni.