Agriculture Department hmalakna thlirletna neih a ni

Serchhip District-a Agriculture Department chuan nimin khan kum 2017-2018 chhunga sawrkar laipui ruahmanna (CSS) hnuaia an hmalakna leh State sawrkar ruahmanna NEDP hnuaia an hmalakna hrang hrang thlirletna hun an nei a. He hun hi Agriculture (CH) Director, J. Lalzamliana chuan a hmanpui a ni.

Nimin a Serchhip DAO Conference Hall-a Review Meeting hi Serchhip DAO, James Lalsiamliana chuan kaihruaiin he hun hmanpuitu Agriculture (CH) Director, J. Lal-zamliana chuan Sawrkar Scheme hrang hrangte chu loneitute tan hlawkna tura ruahman vek a ni tih sawiin, loneitute intodelhna chungchang hi hun rei tak kan sawi tawh chungin tun thlengin leirem an la rap tak tak thei lo hi a pawi em em a, lei rem an rah ngei theihnan ruahmanna te duan mek zel a ni, a ti a. Hmasawnna ruhrel lianpui duan ai chuan kan neihsa tihchangtlun hi kan mamawh ber a ni rih tih sawiin, thlai thar awlsam taka hralhna ruahman te chu kuthnathawktute tan a lawmawm hle tih a sawi a. Serchhip DAO Office-a thawk te chu anmahni tih tur leh an hna \heuh \ha taka an thawk a nih chuan anmahni bawk an hlim dawn a ni tih hre renga \hahnem ngai taka hna thawk turin a chah bawk.

Nimin a Review Meeting-ah hian Lal-muanpuia, Dy. Director (Planning) chuan Agriculture Department in Centrally Sponsored Scheme (CSS) hnuaia hmalakna an kalpui hrang hrang 15-te leh NEDP hnuaia hmalakna an kalpuite sawifiahin, hemi hnu hian Serchhip DAO Office-a heng Scheme hrang hrang khawihtute hnen a\angin heng Scheme hrang hrang atana sum an hmuh leh an hmanna te ngaihthlak leh a ni a. Heng Scheme khawihtute chuan sawrkar rua-hman anga sum an hmuh tur angte an hmu \hat thu leh a pekchhuahna tur lamah pawh ruahmanna anga an pek chhuah \hin thute sawiin, inhrilhfiah ngai awmte inhrilhfiahin, sawihona hun an hmang zui a ni.