NLUP kan sem zel dawn - Chief Minister

MPCC President leh Chief Minister, Lal Thanhawla chuan NLUP chu an sem zel dawn tih sawiin, Line Department te pawh Election puan hma a sem zo hman vek turin a ngen.

Nimin a Aizawl Congress Bhavan Golden Hall-ah Political Session neih ah MPCC President leh Chief Minister, Lal Thanhawla chuan thu sawiin NLUP chu Lal Isua lam\ang ni lo se an beih nasat dan a\angin a chhiat a hun tawh tih a sawi a. Party tin President ten Prime Minister, Modi-a hnenah an hek tih sawiin, “Tunah Court-ah an hek lehin an Ukil hman a\ang hian MNF tih a ni chiang khawp mai. Nimahsela, NLUP hi kan sem zel dawn. Line Department te pawh Election puan hma a sem zo hman vek turin ngen a. Opposition MLA ten NLUP an sem ve chak a, khawvel ah Rulling Party Flagship Programme hi Opposition MLA te an sem tir ngailo. An sem ve chak a nih chuan Congress Party ah rawn lut ve mai rawh se,” a ti bawk.

Chief Minister chuan, “Congress Party te hi Sawrkar leh turin min buatsaih lo sela chuan pawl danga min chhuahsan chum chum hi a hun tawh a. Nimahsela, chutianga pawl dang a chhuak an awm lo mai pawh ni lovin Congress-ah mithar duhawm tak tak an lo lut zel zawk a ni. Pawl dang an Sawrkarin hmasawnna lian (permanent assets) a awm ngai lova. Bairabi Rel Station, chumi a\anga Sairang leh Kawrpuichhuah thlenga kal tir turte, Lengpui Airport te leh hmasawnna lian tham zawng zawng hi Congress Sawrkar hnathawh a ni,” a ti bawk.