Mizoram Larsap in MULCO hmun leh Vety College tlawh

Mizoram Larsap, Kummanam Rajasekharan chuan nimin khan |huampui-a Mizoram Multi-Commodity Producers Cooperative Union (MULCO) hmunpui leh College of Veterinary Sciences & Animal Husbandry, Central Agricultural University, Selesih te a tlawh a ni.
Larsap hiuan MULCO, |huampui chu tlawh hmasa in, Managing Director, Dr. Lalremliana leh a thawhpuiten an lo dawngsawng a. MULCO Plant-a Procurement area, Laboratory, Processing Unit leh Packaging Unit te an fangkual a. MULCO inzarpharh dan te, an siamchhuah zat leh chak la khawm tura an harsatnate leh hmasawn zel tura an harsatna an lo thlen a, Larsap chuan MULCO tih changtlunna kawngah puih theihna a neih chuan a inhuam thu a sawi bawk.
Hemi hnu hian Larsap chuan College of Veterinary Sciences & Animal Husbandry (CVSc & AH), Central Agricultural University, Selesih chu tlawh lehin, CVSc. & AH Dean, Dr. Lalnun-tluangi Hmar leh College of Horticulture, Thenzawl Dean Dr. H. Prasad te’n an lo dawngsawng a. Central Agricultural University, Selesih huam-chhunga College of Horticulture, Thenzawl; Krishi Vigyan Kendra (KVK) leh CVSc & AH zirna In te a tlawh bawk.
Larsap lawmna puala inkhawm neih ah Larsap chuan mithiam rual kalkhawm te chu ram kalsiam ah hmun pawimawh tak an luah tih sawiin, Kuthnathawhtute thiamna tihpun kawngah an pawimawh thu sawiin, an thiamna leh kuthna-thawktute thiamna te hmangin, India rama Mizo-ram dinhmun sang taka an hlankai theih thu a sawi a. An thawhrimna te chuan hun reilote ah Mizoram tan rah \ha a la chhuah tur thu sawiin, Green, Clean, Bio leh Organic Mizoram a mitthla thu a sawi a. Thing leh mau humhalh a ngaih-pawimawh thu a sawi bawk.

Popular posts from this blog

PAN CARD an tih teh fo hi - Laldinpuia